A Asamblea local do BNG de Valga manifesta o seu agradecemento a todas as veciñas e todos os veciños que participaron nas eleccións municipais do pasado 22 de maio e, sobre todo, ás persoas que respaldaron o seu proxecto nas urnas. Esta agrupación incrementou a porcentaxe de votos en máis dun 12 % e aumentou o apoio en sete das nove mesas electorais que se constituiron no concello.
Queremos amosar a nosa satisfacción polo resultado obtido, o que supón unha “inxección de ánimo” para seguir traballando e atendendo as demandas das nosas veciñas e veciños; os vindeiros catro anos serán unha nova etapa na que concentraremos os nosos esforzos para conseguir un verdadeiro goberno de transparencia e eficacia ó servizo das cidadás e dos cidadáns do noso municipio.
Unha vez máis, reiteramos as grazas e poñémonos a disposición de todas as veciñas e todos os veciños para elevar ó pleno municipal todas aquelas demandas ou cuestións que estimen oportunas.
Asemblea Local do BNG de Valga
No hay comentarios:
Publicar un comentario